Ոչ բոլոր կազմակերպությունները կարող են թույլ տալ ունենալ իրավաբանի հաստիք և հատկապես արտոնագրված փաստաբան: Սակայն հաճախ կարիք է առաջանում կատարել պայմանագրերի փորձաքննություն, պետական գրանցում կամ կատարել փոփոխություններ հիմնադիր փաստաթղթերում: Մեր կազմակերպությունը մշակել է հատուկ առաջարկություն գործարարության իրավական ուղեկցություն: Դուք կարող եք օգտվել մեր ծառայություններից ինչպես միանվագ, այնպես էլ կնքել պայմանագիր ամենամսյա իրավական ուղեկցության համար: Ձեր բիզնեսի իրավական ուղեկցության ամենամսյա ծառայությունների ցանկը կհամաձայնեցվի Ձեզ հետ:
Մեր ընկերության կողմից առաջարկվող բիզնեսի ուղեկցությունը ներառում են ստորև բերված տարաբնույթ ծառայությունները`
Իրավաբանական անձանց /ցանկացած կազմակերպական-իրավական ձևով/ պետական գրանցում, ներառյալ`
- կանոնադրության մշակում.
- ընկերության ֆիրմային անվանման գրանցում.
- կազմակերպության կնիքի ստացում.
- գրանցում հարկային մարմիններում /հարկային կոդի /ՀՎՀՀ/ ստացում/ և այլն:
Փոփոխությունների պետական գրանցում`
- իրավաբանական հասցե.
- ֆիրմային անվանում.
- հիմնադիրների /մասնակիցների/ կազմ.
- ղեկավար.
- գործունեության տեսակ.
- կանոնադրական կապիտալի չափ և այլն:
Իրավաբանական անձանց լուծարում`
- հիմնադիրների /մասնակիցների/ կամ դատարանի որոշմամբ.
- սնանկություն` պարտատերերի պահանջները բավարարելու համար գույքի անբավարարության դեպքում:
Իրավաբանական անձանց վերակազմակերպում`
- միաձուլում.
- միացում.
- բաժանում.
- առանձնացում.
- վերակազմավորում:
Ցանկացած տեսակի քաղաքացիաիրավական փաստաթղթերի կազմում`
- պայմանագրեր.
- դիմումներ.
- բողոքներ.
- պահանջներ և այլն:
Փաստաթղթերի փորձաքննության անցկացում կապված առօրյա առևտրային գործունեության հետ /հրամաններ, հրահանգներ, համաձայնագրեր, պայմանագրեր/, իրավաբանական եզրակացությունների տրամադրում:
Պատվիրատուի նախնական հարցումով նորմատիվային նյութերի տրամադրում` ինչպես էլեկտրոնային, այնպես էլ թղթային տարբերակով:
Գործարքների` ներառյալ, պետական գրանցում պահանջող, ուղղեկցում:
Պայմանագրերի կազմում առանց մյուս կողմի հետ համաձայնեցման /օրինակելի, միանալու պայմանագրեր/:
Պատվիրատուին առաջարկվող պայմանագրերի փոփոխություն` Պատվիրատուի իրավունքների ամրապնդման նպատակով /առանց մյուս կողմի հետ համաձայնեցման/:
Ներքին փաստաթղթերի կազմում և փոփոխում:
ՀՀ պետական մարմիններում մասնակցություն`
- կադաստր.
- նոտարիատ
- պետ.ռեգիստր.
- հարկային.
- մաքսային և այլն:
Կորպորատիվ ծառայություններ`
- Ընկերության կանոնադրական կապիտալի գրանցում, ավելացում, նվազեցում.
- Ընկերության հերթական և արտահերթ ընդհանուր ժողովի, Խորհրդի, Վարչության և այլ մարմինների նիստերի անցկացում /համապատասխան արձանագրությունների, նյութերի պատրաստում/.
- Մասնակիցների փայաբաժինների, բաժնետոմսերի օտարման, նախապատվության իրավունքի կիրառման, ընկերությանը մասնակցության հնարավորության հետ կապված ծառայություններ և այլն.
- Ֆիրմային անվանումների, ապրանքային նշանների գրանցում: